懷念你....哥哥

今晚在家又係準備搬屋執嘢,特然tv傳來我熟識歌聲~唧時放下手上工作跑出廳一睇!o...原來係港台節目"不死傳奇"今集講
張國榮.

識我耐朋友都知我好中意佢,記得2003-4-1佢離開當晚2小時內我足足接咗20個朋友同家人來電通知我佢嘅離去,真係無諗過佢嘅離去會引發我思考到身邊朋友/同事和家人都將我的事情放在心中,包括我喜歡嘅偶像!!

讀書時期好喜歡睇佢做電視,出嚟做事就喜歡睇佢電影同演唱會,當然也愛他所有歌曲.
但係依加人大咗就好少比人知我喜歡哥哥,怕比人笑我年紀大嘛!!

不過有幾件趣事我好記得!讀書時中意將哥哥嗰名寫哂係張枱度,係寫得好過份個隻,連後排無同學坐幾張枱面都寫滿哂~(心態有d似曾灶財),点知比miss睇到就問係邊果畫花d枱面,全班同學都無爆我出嚟,最後全班被罰!!(其實全班都知係我寫嘅).

又有一次kai同我興祝生日專登揀咗去"為你終情"餐廳食飯,食食吓点知...点知哥哥竟然出現於我眼前,(佢只係去食飯啫!當然吾會係kai安排啦!!)
當時全間餐廳由好熱鬧唧時靜哂,所有人視線都係望住佢一直行入一張最近廚房的枱,見住佢同部長講幾句点完菜後,
我同kai講:快d過去同我問哥哥攞簽名!kal答:痴線咩!咁樣衰!
我:你吾去嘛!咁好!!我自已去.
終於胆粗粗行過去問佢攞簽名,仲記得行到埋去個心跳幾乎跳出嚟,
果時真感受到"心都離埋"感覺.

又記得我ニ年級時候,當時大家姐係臨時演員公司做,咁岩要小朋友就叫咗我去頂,果時就係麗的電視台等緊場務姐姐時侯,遠處就見着住白衫白衭"哥哥"行緊過嚟.嘩!真係超靚仔呀!仲同我用眼神打咗個招呼,從此就好喜歡佢啦.

但今日係電視睇反佢,不禁又落淚....陳淑芬講得好岩:因為佢嘅病,條路吾係佢自已揀.....

"哥哥"我想信我人中也不會出現像你的藝人了......

好喜歡的歌-妳在何地